ફોટો અપડેટ – નાયરા

નાયરાનો ફોટો. Photo of NAYRA

નાયરા ની ફોટો અપડેટ

~ નાયરાના ફોટો નથી આવ્યા એવું થોડા સમય પહેલાં કોઇએ યાદ કરાવ્યું હતું. વ્રજ વખતે અહીયાં નિયમિત ફોટો અપડેટ થતી રહેતી હતી. (આમાં કદાચ પ્રથમ બાળક અને બીજા બાળક વચ્ચેના ઉત્સાહનો આ મુળભુત ફરક હશે.)

~ આમ તો થોડા દિવસ પહેલા જ વ્રજ અને નાયરાના ફોટો અપડેટ કર્યા હતા ત્યારે પણ નક્કી કર્યું હતું કે નાયરા માટે અલગ અપડેટ કરીશ. (એ નક્કી કરતી વખતે દિલથી ઇચ્છા હતી કે બગ્ગુ માટે અલગથી ફોટો પોસ્ટ હોય.)

~ વ્રજ વખતે ક્યારેય એકસાથે આટલા બધા ફોટો અપડેટ ન’તા કર્યા પણ આજે સવાલ નાયરાને ન્યાય આપવાનો હતો, એટલે બેલેન્સ કરવાના ચક્કરમાં ઘણાં ફોટો સિલેક્ટ કરી લીધા હોય એવું લાગે છે. 😃

~ એમપણ ફોટો સિલેક્ટ કરતી વખતે જ સમજાઇ ગયું’તું કે ઘણાં લાંબા સમયથી બગ્ગુના ફોટો નથી આવ્યા એટલે બે-ચાર ફોટોથી નહી ચલાવી લેવાય.

~ અહીયાં દિવસ અનુસાર ઉપરથી નીચે ફોટો ગોઠવ્યા છે. જેથી તેના દેખાવમાં આવેલા બદલાવ પણ ધ્યાનમાં આવે. (હા, તેના વર્તન અને મસ્તીમાં આવેલ બદલાવ વિશે લખવા જઇશ તો એક અલગ લાંબી અપડેટ બને એમ છે!)

નાયરાનો ફોટો. Photo of NAYRA

નાયરાનો ફોટો. Photo of NAYRA

નાયરાનો ફોટો. Photo of NAYRA

નાયરાનો ફોટો. Photo of NAYRA

નાયરાનો ફોટો. Photo of NAYRA

નાયરાનો ફોટો. Photo of NAYRA

નાયરાનો ફોટો. Photo of NAYRA

નાયરાનો ફોટો. Photo of NAYRA

નાયરાનો ફોટો. Photo of NAYRA

નાયરાનો ફોટો. Photo of NAYRA

નાયરાનો ફોટો. Photo of NAYRA

નાયરાનો ફોટો. Photo of NAYRA

નાયરાનો ફોટો. Photo of NAYRA

નાયરાનો ફોટો. Photo of NAYRA

નાયરાનો ફોટો. Photo of NAYRA

નાયરાનો ફોટો. Photo of NAYRA

નાયરાનો ફોટો. Photo of NAYRA

નાયરાનો ફોટો. Photo of NAYRA

નાયરાનો ફોટો. Photo of NAYRA

અજ્ઞાનવાણી

*સાઇડટ્રેકઃ મેડમજીનું કહેવું છે કે હું નાયરા સાથે વ્રજ કરતા વધારે કનેક્ટેડ છું. એમ પણ અમારો વ્રજ ફુલ્લી મમ્મા’ઝ બોય છે, તો નાયરા પાપા’ઝ ગર્લ બને તો સારું. દિકરી સાથે બાપનું જોડાણ એમ પણ ખાસ હોય છે એવું સાંભળ્યું’તું, હવે અનુભવાય છે.

અપડેટ્સ – 181115

દિવાળી

~ મારા તરફથી મને અને મારા બગીચાને વિતી ગયેલી દિવાળીની શુભેચ્છાઓ તથા નુત્તન વર્ષાભિનંદન! (નિર્જીવ વસ્તુ/જગ્યા સાથે આવો કોઇ શુભેચ્છા સંબંધ હું રાખું તો મને કોઇ પાગલ ગણી શકે છે. હા પણ.. અહીયાં ક્યાં કોઇ આવે છે તે મારે એટલું વિચારવું પડે!😆)

~ રજાઓમાં કચ્છની ટ્રીપ યાદગાર રહી. પરત આવીને બીજા દિવસે સાસરીયાના ગામની વાટ પકડીને ત્યાં જ વેકેશન પુરું કરવામાં આવ્યું. વ્રજ-નાયરા અને તેની મમ્મી ત્યાં રોકાઇ ગયાં છે, હું એકલો રીટર્ન આવીને ગઇકાલથી ધંધે લાગ્યો છું. (આ લગભગ દરેક વર્ષનો દિવાળી-નિત્યક્રમ છે; છોકરાંઓ નાનીના ઘરે રોકાશે, મેડમજી તેમની સાથે રહેશે અને અમે બધા પાછળ ધંધે લાગેલા રહીશું.)

~ પરત ફરતી વખતે હાઇ-વે પર જાણ્યું કે કેટલી ગાડીઓ અમદાવાદ બહાર વેકેશન કરવા ગઇ હતી! (અને આ દરેક ગાડીમાં કેટલાં વ્યક્તિઓ શહેર બહાર ગયા હશે તે વિશે અમે અંદાજ લગાવવાનો અસફળ પ્રયાસ પણ કર્યો.)

~ દર વર્ષનો અનુભવ છે કે જ્યારે આવો રજાનો માહોલ હોય અને રસ્તા પર ભારે ટ્રાન્સપોર્ટ/ટ્રક/ટ્રાવેલ્સ ઓછા હોય ત્યારે હાઇવે જાણે રેસીંગ ટ્રેક હોય તેમ પ્રાઇવેટ કાર દોડતી હોય છે. (લખનાર પોતે પણ હાઇવે પર સ્પીડના ચાહક હોવાથી આ વિશે કોઇ વિશેષ ટીપ્પણી નહી કરે. 🤐)

~ આ તો વચ્ચે દિવાળી આવી ગઇ એટલે થયું કે એક સીજનલ પોસ્ટ થઇ જાય. એમ તો ધ્યાનમાં જ છે કે શહેર-મુલાકાત અપડેટ્સની ચેઇનમાં હજુ એક પોસ્ટ બાકી છે જે ડ્રાફ્ટમાં હજુ બે દિવસ કાઢે એમ છે. (કારણમાં તો આળસ, આળસ અને માત્ર આળસ જ છે સાહેબ.)

~ આગળની પોસ્ટ ચેક કરતાં જાણ્યું કે તેમાં મૈસૂરની જગ્યાએ મસૂરી થઇ ગયું હતું. આખું શહેર બદલાઇ ગયું બોલો! હવે તો સુધારી લીધું છે. કદાચ મુળ મુળાક્ષરો સરખા હોવાથી લીમીટેડ કેપેસીટી ધરાવતા મારા મગજમાં જે તે સમયે કોઇ કેમીકલ લોચાના કારણે કન્ફ્યુઝન થયું હોઇ શકે છે. (હા તો એમ કંઇ બધે અમારી ભુલ ન હોય. #સેલ્ફ_રીસ્પેક્ટ)

દિવાળી


મથાળું છબીઃ “સુર્યોદય” (નખત્રાણા, કચ્છ)
છબીકારઃ બગીચાનો માળી

અપડેટ્સ – 181029

~ ગત અંકથી ચાલું…

~ આગળની અપડેટ્સમાં કરેલમાં પ્લાન મુજબ, એક જ દિવસ પછી બીજી વાતો ઉમેરી દઇશ એવો વિચાર કર્યો હતો. (આવું કેમ કર્યું હશે તે અલગથી વિચારવા જેવો મુદ્દો છે. કમ-સે-કમ આવા વિચારો કરતા પહેલા મારે મારી આદતો અને વ્યસ્તતાને ધ્યાનમાં લેવી જ જોઇએ.)

~ ચલો, રમેશભાઇને ગમ્યું એ થયું એમ માની ને વાત આગળ વધારું.. (કોઇ તો વિચારતું હશે કે આ રમેશભાઇ કોણ છે!!.. જુઓ, મને પણ ખબર નથી એટલે મને તો પુછવું જ નહી.)

~ હા તો અમે અટક્યા હતા બેંગ્લોરમાં અને જવું હતું Bannerghatta નેશનલ પાર્કમાં..

~ આ પાર્કના નામનું શુધ્ધ ઉચ્ચારણ શું થાય તે વિશે ચોક્કસ ન હોવાથી તેને અંગ્રેજીમાં જ રહેવા દીધું છે. (લગભગ “બૅનરગટ્ટા નેશનલ પાર્ક” કહેવાય. પણ ચોક્કસ ખબર ન હોય તે વિશે હોંશીયારી ન બતાવવી જોઇએ એવું અમારા ગુરુ શ્રી બાબા બગીચાનંદજીએ શીખવ્યું છે.)

~ છોકરાંઓની ઇચ્છાને વશ અને કંઇક નવું જોવાની આશાએ અમે નેશનલ પાર્ક તરફ નીકળ્યા. બેંગ્લોરથી વધુ દુર નથી પણ તે જ દિવસે સાંજે મૈસૂર માટે નીકળી શકાય તે વિચારે અમે સવારે થોડા વહેલા નીકળ્યા. સ્થળ પર સમયસર પહોંચી ગયા અને સૌથી પહેલું કામ સફારીમાં એન્ટ્રી લેવાનું કર્યું.

~ બાળકો સાથે મોટાને પણ ગમે તેવું સ્થળ છે. શાયદ ગુજરાતમાં આવી જગ્યા કોઇ નથી જ્યાં દરેક પ્રકારના પ્રાણીઓને જંગલમાં જોઇ શકાય. ખુંખાર વન્ય જીવો ને આટલા નજીકથી આઝાદ ફરતાં પહેલી વાર દેખ્યા. વ્રજ માટે પણ આવો પ્રથમ અનુભવ હતો એટલે તેને પણ મજા આવી. (પહેલા આવા પ્રાણીઓને માત્ર પીંજરામાં પુરાયેલા દેખ્યા છે.)

~ આ નેશનલ પાર્ક વિશાળ જગ્યામાં પથરાયેલો છે અને તેમાં ફરવા માટે બસની સુંદર વ્યવસ્થા છે (જેથી વન્ય પ્રાણીઓને ખલેલ કર્યા વગર અમે સામાજીક પ્રાણી બંધ બસમાં ફરી શકીયે.)

~ ત્યાં બટરફ્લાય પાર્ક પણ ઠીક-ઠીક છે અને ઘણું વિશાળ પ્રાણી સંગ્રહાલય પણ છે! (જે જોવામાં અમે થાકી ગયા અને અધુરું મુકીને પરત થયા.)

~ ઘણાં ફોટો ક્લિક કર્યા છે પણ તે પછી કયારેક અલગ અપડેટ્સમાં દેખાશે..

~ અત્યારે આ જોઇ લો..

~ આજ માટે આટલું ઠીક લાગે છે. હવે પછીના અપડેટ્સમાં મૈસૂરની વાતોને ફોટો સાથે નોંધવામાં આવશે. (આ વખતે સમય નક્કી નથી કરવો. પોતાની નજરમાં ખોટા પડવાની પણ હદ હોય યાર..)

~ વધુ આવતા અંકે..

#સાઇડટ્રેકઃ આ બગીચા થકી જેમના પરિચયમાં છીએ તેવા શ્રી ચંદ્રકાંતભાઇ સાથે ફોન પર મુલાકાત કરીને સંતોષ માન્યો. તેમના શહેરમાં હોવા છતાં રૂબરુ મળવા જઇ શકાય એટલો સમય મારી પાસે નહોતો.
વળી અમે કોઇ એક જગ્યાએ અટકતા ન હોવાથી તેમને કોઇ ચોક્કસ જગ્યાએ મળવા બોલાવી શકાય તેવી પરિસ્થિતિ નહોતી. આશા છે કે ક્યારેક અમદાવાદમાં જ મુલાકાત થશે.