મુવી કે ફિલ્મો વિશે..

~ અગાઉ એક મુવી વિશેની પોસ્ટ પછી લાગ્યું કે આ ક્ષેત્રે મારો બગીચો ઘણી જ ઓછી માહિતી ધરાવે છે. (મતલબ એ છે કે બગીચાના આળસુ માળીએ વધારે માહિતી ઉમેરી જ નથી બોલો!)

~ તો એક નવો વિચાર છે કે દર વર્ષની અલગ-અલગ પોસ્ટ બનાવવી. (‘હા હવે આ કોઇ મોટો વિચાર નથી’ એમ લોકો કહેશે, અને વાત તેમની સાચી છે એ હું પણ સ્વીકારીશ.)

~ ત્યાં મે દેખ્યા હોય એવા દરેક મુવીઝ ને ઉમેરતા રહેવાનો વિચાર છે અને તે વિશે રેટીંગ દ્વારા મારો અભિપ્રાય ઉમેરવાનો પણ વિચાર છે. (જોયું કેટલું બધું વિચારી રાખ્યું છે ને. કંઇ પણ, નહી?)

~ જો કોઇ ફિલ્મ વિશે અલગથી લખવામાં આવશે તો તેની લીંક ત્યાં ઉમેરતા રહેવાની ઇચ્છા પણ છે. (ઇચ્છાઓ અપરંપાર છે મારી..)

~ ફિલ્મોનો કોઇ ખાસ શોખ નથી પણ અમે ક્યારેક સમય પસાર કરવા, કોઇવાર આનંદ માટે અથવા તો ક્યારેક જાણકારી કે જીજ્ઞાસાવશ મુવી જોઇ લઇએ છીએ. (ચોક્કસ કારણ તો મને પણ નથી ખબર પણ કોઇ-કોઇ ફિલ્મ ખરેખર જોવાલાયક લાગી છે.)

~ મુવીઝને સમાજનું પ્રતિબિંબ કહેવાતું છે પણ ઘણી ફિલ્મમાં હું એ પ્રતિબિંબ ઝીલી નથી શક્યો, તો કોઇ-કોઇ મુવીમાં ઉત્તમ સર્જન પણ જણાયું છે. (ઘણી મુવીઝ તો ખરેખર જોવા જેવી હોય છે અને કેટલીક લગભગ ‘હથોડો’ હોય છે.)

~ ઘણીવાર એવું લાગ્યું છે કે ચોક્કસ વિષયને દેખવા માટે જે-તે મુવીએ મને અલગ જ દ્વષ્ટિકોણ આપ્યો હોય અને વિષય પ્રત્યે નવું જ જ્ઞાન મેળવ્યું હોય! (નવું જાણીયે ત્યારે આપણાં અજ્ઞાનની સીમા પણ દેખાઇ જાય!)

મુવી : A Beautiful Mind

a beautiful mind film poster — ચલચિત્ર : **અ બ્યુટીફુલ માઇન્ડ**

~ મોડી રાતે એમ જ મુવી એપમાં ખાંખા-ખોળા કરતાં યાદ આવ્યું કે ક્યારેક આ ફિલ્મ જોવાની ઇચ્છા હતી. (જોવાની બાકી હોય એવી ફિલ્મનું એટલું લાંબુ લિસ્ટ છે કે હવે તેને અપડેટ કરવા જેવું પણ નથી રહ્યું.)

~ ઉંઘ આવતી હતી; તો પણ થયું કે ૧૫-૨૦ મિનિટ જોઇને ખયાલ આવી જશે કે ભવિષ્યમાં તેને સમય આપવો કે નહી. (ઇચ્છા તો ઘણી ફિલ્મ જોવાની હોય છે પણ ઘણીવાર તેમાંથી કોઇ જોવા બેસું તો મને તેમાં રસ ન આવે એવું બનતું હોય છે.)

~ ખૈર, રાતે બે વાગ્યા ફિલ્મ પુરી કરવામાં! (કહેવાનો મતલબ એ છે કે મને એટલો રસ આવી ગયો હતો કે આખી ફિલ્મ પુરી કરી!)

~ બે શબ્દો ટ્વીટર પર કહ્યા છે જે અહી નીચે જોઇ શકો છો, વધું તો કહેવા જેવું નથી કેમ કે જાણકારો લગભગ મારા પહેલા બધું જાણતા હોય છે. (અને ન જાણતા હોય એવા લોકો મારું માનીને જોવા બેસે એવી આભા અમે ધરાવતા નથી.)

Film : A BEAUTIFUL MIND

ઘણાં દિવસથી ઈચ્છા હતી તો હમણાં પુરી કરી. ક્યાં થી ક્યાં લઈ આવી વાર્તા. અઘરી બીમારી, સુંદર રજૂઆત, ઉત્તમ ફિલ્મ અને અચૂક જોવાલાયક.

(બીજું બધું તો ઠીક મને હમણાં આસપાસ પ્રોફેસર જ્હોન નાસ દેખાય છે. હું ઠીક તો છું ને?) pic.twitter.com/yZe4OasnUU
— Bagichanand (@bagichanand) April 9, 2019

~ ફિલ્મનું વર્ણન કરવામાં તજજ્ઞ અને રસિક એવા શ્રી નિરવભાઇ જેવું વિવરણ એમ પણ અમને ન ફાવે. આમેય વર્ષે માંડ દસ-બાર ફિલ્મ જોતા મારા જેવા વ્યક્તિને શોભે પણ નહી.

~ જે હોય તે પણ છેવટે આ મારો બગીચો છે એટલે આ ફિલ્મને મારા તરફથી રેટીંગ તરીકે ફુલડાં ચોક્કસ આપવામાં આવશે. (મે ચાહે યે કરું, મે ચાહે વો કરું.. મેરી.. મ-ર-જી…)

ફિલ્મ ‘અ બ્યુટીફુલ માઇન્ડ‘ને બગીચાનંદ તરફથી

૫ માંથી ૪.૫ ફુલડાંઓ!

મુવીઝ એન્ડ મી! [2019]

વર્ષ 2019 માં જોવાયેલ મુવીઝ નું લિસ્ટ

bottom image of post : 2019 માં જોવાયેલ મુવીઝ

આ પણ જુઓઃ

વર્ષ 2018 માં જોવાયેલ મુવીઝ નું લિસ્ટ

મુવીનું નામ: Forrest Gump [1994] બગીચાનંદનું રેટીંગ: IMDb: 8.8/10 પોસ્ટની લીંક: નથી.	મુવીનું નામ: Avengers – Infinity War [2018] બગીચાનંદનું રેટીંગ: IMDb: 8.5/10 પોસ્ટની લીંક: નથી.
મુવીનું નામ: URI The Surgical Strike [2019] બગીચાનંદનું રેટીંગ: IMDb: 8.7/10 પોસ્ટની લીંક: નથી.	મુવીનું નામ: A Beautiful Mind [2001] બગીચાનંદનું રેટીંગ: IMDb: 8.2/10 પોસ્ટની લીંક: અહીં.
મુવીનું નામ: Manmarziyaan [2018] બગીચાનંદનું રેટીંગ: IMDb: 6.9/10 પોસ્ટની લીંક: નથી.	મુવીનું નામ: Dead Poets Society (1989) બગીચાનંદનું રેટીંગ: IMDb: 8.1/10 પોસ્ટની લીંક: નથી.
મુવીનું નામ: ચાલ જીવી લઇએ [2019] બગીચાનંદનું રેટીંગ: IMDb: 8.5/10 પોસ્ટની લીંક: નથી.	મુવીનું નામ: Name બગીચાનંદનું રેટીંગ: IMDb: /10 પોસ્ટની લીંક: નથી.
મુવીનું નામ: Name બગીચાનંદનું રેટીંગ: IMDb: /10 પોસ્ટની લીંક: નથી.