વ્રજ અપડેટ્સ – 190502

Photo of my son Vraj.

~ આ ટોપિક પર પોસ્ટ હવે ભુલાતી જાય છે. વ્રજ મોટો થઇ રહ્યો છે અને હવે તેની દુનિયા પણ બદલાઇ રહી છે. આગળની પોસ્ટમાં કમાન્ડ હતો કે આ વિશે લખવું જ એટલે આજે સમય કાઢીને પણ લખવાનું નક્કી કર્યું છે.

~ વ્રજ કરતાં નાયરા ઘણી જ ચાલાક થશે એવું અત્યારથી લાગે છે. વ્રજ હજુપણ ઘણો માસુમ છે અને ભોળો પણ કહી શકાય.

~ તેની ઉંમરના બાળકોના પ્રમાણમાં વ્રજ સમજદાર પણ વધારે છે એટલે તેને સમજાવવો ઘણો સરળ છે.

મારા દિકરા વ્રજનો ફોટો~ જો કે તેને દરેક વાતમાં ટોકતા ન રહેવાનો મારો આગ્રહ હોવાથી ક્યારેક કંટ્રોલ બહાર મસ્તી કરે તો પણ થોડીવાર સુધી ચલાવી લેવાય છે અને જો તોફાન વધારે લાગે તો તેને તરત રોકી શકાય એમ હોય છે.

~ સમજદાર વધારે છે એટલે જ કોઇ એવી વાતમાં રોકવામાં આવે ત્યારે તેના સવાલોના જવાબ આપવા પડે છે કે અમે તેને કેમ રોકીએ છીએ. જો ચોક્કસ જવાબ ન આપીએ તો આજકાલ ખોટું પણ ઘણું લાગી આવે છે.

~ આજ સુધી ક્યારેય મેં તેને નાનકડી ટપલી પણ નથી લગાવી, જ્યારે સામે પક્ષે મેડમજીએ તેને ઘણીવાર સટ્ટાક ચીપકાવી દીધી છે તો પણ તે મમ્મી સાથે જ વધારે કનેક્ટેડ છે. જો કે તેના મનની મુંઝવણ સરળતાથી કહી શકે એટલી નિકટતા અમારી વચ્ચે છે.

Photo of my son Vraj~ વ્રજ ઇમોશનલ વધારે છે. ક્યારેક કંઇક થયું હોય, વાગ્યું હોય, તેણે કોઇ ભુલ કરી હોય અથવા તો આખો દિવસ અમારાથી દુર રહ્યો હોય ત્યારે મળીને એકદમ ચિપકીને રડી પડતો હોય છે. રડીને શાંત થાય ત્યારે જ મુકે અમને.

~ આજકાલ રોજ કેટકેટલાયે સવાલો હોય છે તેના અને હું નિરાંતે બધા સવાલોના જવાબ આપતો રહું છું. સમજાવવા ક્યારેક યુટ્યુબ કે અન્ય ફોટો-વસ્તુઓ પણ તેની સામે મુકું જેથી તે ખુલીને સમજી શકે.

~ દેશ-દુનિયા, રાજા-નેતા, મશીન-કાર-ટેકનીક, ભાષા-પહેરવેશ-સ્ટાઇલ, આકાશ-અંતરિક્ષ-એલીયન-ફાઇટર-સ્પેશશીપ વગેરે તેના સવાલોના મુખ્ય મુદ્દાઓ છે.

~ ઘણાં સવાલોમાં ઉંડી કલ્પનાઓ હોય છે તો તે કલ્પનાઓ પણ સચવાય તે રીતે તેને હકીકત સાથે અવગત કરાવતા રહેવું મને પણ ગમે છે. આ કલ્પનાઓ જ તેને ભવિષ્યની દિશા બતાવશે.

~ અગાઉની જેમ જ આ વર્ષે A+ રિઝલ્ટ આવ્યું છે. આ રિઝલ્ટ સાથે ક્લાસમેટ્સનો ગ્રુપ ફોટો પણ આવ્યો છે જે યાદગીરી તરીકે અહીયાં રાખુ છું.

# વર્ષ 2018-19. સીનીયર કે.જી. ગ્રુપ ફોટોઃ

મારા દિકરા વ્રજનો ફોટો

~ અગાઉ આવો ફોટો અપલોડ કર્યો ત્યારે બિનજરુરી પણ શબ્દો કહ્યા હતા. 🤐 પરંતુ આ વખતે વધુ ટિપ્પણી કરવાની ઇચ્છા નથી લાગતી. જુઓ એ જુનો ફોટો : અહી.

~ અત્યારે નવા વર્ષની સ્કુલ ચાલું થઇ ગઇ છે. વ્રજ હવે સીનીયર કે.જી. માંથી ફર્સ્ટ ક્લાસમાં આવ્યો એટલે અમેં તેને સ્કુલે લેવા-મુકવાના નિત્યક્રમમાં જોડાઇ ગયા છીએ. સ્કુલવેનની એ ભીડમાં તેને મુકી દેવામાં હજુ જીવ નથી ચાલતો.

~ અત્યાર સુધી સવારે 8ઃ30 નો સમય હતો પણ હવેથી સ્કુલનો ટાઇમ 6ઃ50 થઇ ગયો છે. અમને અઘરું લાગે છે વહેલા ઉઠવું, પણ વ્રજ નવા ટાઇમટેબલ સાથે સેટ થઇ ગયો છે એટલું સારું છે.

~ તેના આગળના બે દુધીયા દાંત પડી ગયા હશે તેને લગભગ 3 મહિના થયા છે. નવા દાંત આવતા નથી એટલે હવે દાંતના સ્પેશીયાલિસ્ટ ડોક્ટર સાહેબને મળવા જવું જોઇએ એવો મેડમજીનો મત છે જેની સાથે હું સહમતી ધરાવું છું.

~ વ્રજ જ્યારે પુરી સમજણની ઉંમરમાં પહોંચે ત્યારે તેના મનથી પોતાના વિશે લખાયેલા આ શબ્દો તથા તેના વિશે લખાયેલી બધી પોસ્ટ વાંચે એવી ઇચ્છા છે.

bottom image of the post

અપડેટ્સ – 190501

Riverfron Flower Park

~ ચેક કરતાં જણાય છે કે મારી અપડેટ્સની છેલ્લી પોસ્ટ નવેમ્બર મહિનામાં હતી. તેના વચ્ચે ઘણી પોસ્ટ આવી છે, પણ રેગ્યુલર અપડેટ મીસીંગ છે. (એ જ તો, લાઇફમાં કંઇક-ને-કંઇક મીસીંગ તો રહેવાનું જ.)

~ જો કે નવાઇની વાત એ છે કે છેલ્લી અપડેટની પોસ્ટ શોધવા માટે 4 પેજ સુધી નીચે જવું પડયું! (ઇસકા મતલબ સમજે? હમ આજકલ બહુત કુછ લીખ રહે હૈ!!)

~ નવેમ્બર બાદ કંઇ ખાસ થયું હોવાનું યાદ આવતું નથી. ડિસેમ્બર પણ અજ્ઞાતવાસમાં ગુજર્યો હોવાનું કહી શકાય. જાન્યુઆરીમાં ઉત્તરાયણ સિવાય રિવરફ્રન્ટ પર ફ્લાવર શૉ/ફ્લાવર પાર્ક અને પતંગ મહોત્સવની મુલાકાત નોંધલાયક કહી શકાય. (ફ્લાવર શૉ ખરેખર સુંદર હોય છે. ચોક્કસ મુલાકત લેવાય.)

# ફ્લાવર પાર્કની કેટલીક ક્લીક્સઃ

Riverfron Flower Park, રિવરફ્રન્ટ ફ્લાવર પાર્ક, અમદાવાદ.

Riverfron Flower Park. રિવરફ્રન્ટ ફ્લાવર પાર્ક, અમદાવાદ.

Riverfron Flower Park. રિવરફ્રન્ટ ફ્લાવર પાર્ક, અમદાવાદ.

~ ફેબ્રુઆરી એક લગ્નના કારણે વ્યસ્તતામાં ગુજર્યો અને માર્ચ વ્રજના લીધે પરિક્ષામય વાતાવરણમાં વિત્યો હોવાનું જણાય છે. આ દરેક મહિનાઓમાં મારું કામકાજ પણ સમાંતર ચાલ્યું હોવાનું જાણી લેવું. (સમય જરાય બચતો નથી હોતો, તો પણ મેં પરિવાર માટે ઘણો સમય ફાળવ્યો છે એવું મને લાગે છે.)

~ વ્રજ 6 વર્ષનો થયો તેમાં પહેલીવાર આ વખતે એપ્રિલની શરૂઆતમાં એકલો નાના-નાની ના ઘરે રોકાવા ગયો હતો. અમને એમ હતું કે બે દિવસમાં લેવા જવું પડશે, પણ 5 દિવસ પછી નવી સવારે અચાનક ‘રડતો‘ ફોન આવ્યો કે, “લઇ જાઓ મને!”.. અમે તૈયાર જ હતા અને લઇ આવ્યા. (તેને ફાવ્યું અને આટલા દિવસ અમારા વગર રહ્યો, એ પણ ઘણું છે.)

~ ઉપરની વાતથી વિચાર આવે છે કે, વ્રજ માટે એક અલગથી અપડેટ પણ હોવી જોઇએ. નેક્સ્ટ અપડેટ તેની રહેશે એ ફાઇનલ. (ક્યારેક પોતાને ક્લીઅર કમાન્ડ પણ આપવો પડે!)

~ વ્રજથી યાદ આવ્યું કે બગ્ગુને ગયા મહિને બે વર્ષ પુરા થયા. અરે, તેની બર્થ-ડે ઉજવણીના ફોટોને અહીયાં અપલોડ કરવાનો હતો જે આખી વાત ભુલાઇ ગઇ! (ખબર નહી ક્યારે હું સમયસર બનીશ.. ઑલ્વેઝ લેટ એન્ડ ભુલક્કડ!)

~ આ પહેલા જ મતદાન અને ચુટણી વિશે અહીં લખાયેલું છે એટલે તેને આ અપડેટ્સમાં ફરી ઉમેરવાની જરુર લાગતી નથી. (રીપીટ કરીને લંબાઇ વધારવાનું કામ અમે બોર્ડ એક્ષામ્સમાં ઘણું કર્યું છે!😇)

~ આજકાલ નોર્મલ કરતાં વધારે લખી રહ્યો છું અને અહીયાં નવા-નવા પેજ પણ બનાવી રહ્યો છું, જેને નિયમિત અપડેટ કરતો રહીશ એવી મારી ઇચ્છા છે. (આજે આ પોસ્ટમાં ગણું લખાઇ ગયું છે એટલે તેના વિશે પછી ક્યારેક લખીશ.)

~ છેલ્લી બે પોસ્ટથી મારા બગીચાના ઇ-મેલ સબક્રાઇબર્સને નવી પોસ્ટની ટપાલ ઇનબોક્ષમાં મળતી બંધ થઇ ગઇ હશે. (લગભગ સબસ્કાઇબર્સને એ ઇમેલ નક્કામા જ લાગતા હશે, એટલે બંધ થયા હશે તો પણ સરવાળે આનંદમાં જ હશે. હજુ સુધી કોઇએ ફરિયાદ પણ નથી કરી! ખબર ન પડી હોય એવુંયે બની શકે.)

~ એકચ્યુલી મને એક નવો અખતરો સુઝ્યો છે તો તે બદલ સૌ સબસ્ક્રાઇબર્સને થોડી (અથવા તો કાયમી) અસુવિધા ભોગવવી પડી શકે છે. (અખતરાઓમાં તો ખતરો રહેવાનો જ.)


Riverfron Flower Park. Flower girl રિવરફ્રન્ટ ફ્લાવર પાર્ક, અમદાવાદ.
  • ઉપરની દરેક ઇમેજને કેમેરામાં કંડારનાર:
    આપણે પોતે! 😎

ફોટોઃ વ્રજ અને નાયરા

આમ તો વિચાર્યુંં‘તું કે નાયરાના ફોટોની એક અપડેટ મુકીશ પરંતુ ઘણાં સમયથી વ્રજના ફોટો પણ બાકી છે. એટલે અમે વિચારને થોડોક બદલ્યો છે! (ટાઇટલમાં વ્રજ અને નાયરા જોઇને સમજાઇ ગયું હશે.)

ભાઇ-બહેનને સાથે રાખવાની ઇચ્છા મનમાં રાખીને હવે વ્રજ અને નાયરા બંનેના સાથે હોય એવા ફોટો આજે અપલોડ કરું છું. (જેથી કોઇ એકને અન્યાય ન થાય.🙂)

અને મારી બગ્ગુના ફોટો માટે એક અલગ અપડેટ તો આવશે જ. (સિલેક્શન ચાલે છે કે કયા-કયા અપલોડ કરું, ત્યાં સુધી આ બધા જોઇ લો.)

vraj and nayra
વ્રજ અને નાયરાના ફોટો
વ્રજ અને નાયરાના ફોટો
વ્રજ અને નાયરાના ફોટો
અને આ છેલ્લે ઉત્તરાયણના સમયની ક્લિક!..
વ્રજ અને નાયરાના ફોટો