નામ ગુમ જાયેગા…

… ચેહરા યે બદલ જાયેગા,
મેરે શબ્દ હી પેહચાન હૈ, ગર યાદ રહે!..

મૂળ ગીતકારની ક્ષમા સાથે 🙏

— જાહેર જનતા જોગ —

~ આજથી (આમ તો ત્રણ-ચાર દિવસથી) અમોને વિચિત્ર ફેરફાર કરવાનું સુઝ્યું છે. (ના ભાઇ.. ક્યાંક પડી જઇએ, વાગ્યું હોય અને સુઝી ગયું હોય એવું કંઇ નથી થયું. જે વાગ્યું હતું એ તો મટી ગયું છે.)

~ અમો અહી અમારી મુળ ઓળખને થોડી બદલી રહ્યા છીએ. (કારણ? કોઇ જ નથી. ઓકે, કારણ નથી તો શું થયું.. પણ જાહેર જનતાને મારી વાત પચે તે હેતુ એક ઇનોવેટીવ બહાનું બનાવ્યું છે.)

# થયું એમ કે લાંબા સમયથી મને અહીયાં બધું એવું ને એવું લાગે છે. (એક જ સ્ટાઇલની લાઇફ ક્યારેક બોરીંગ પણ લાગે યુ નૉ..)
# એટલે
કંઇક બદલીયે તો નવો ઉત્સાહ આવે અને મને લખવા માટે ફરી નવી ઇચ્છાઓ જાગે. (આ ઇચ્છા જગાડીને શું કરવું છે એવું કોઇ કહેશે, તો તેમને મારે કહેવું છે કે.. ચુપ રહો.)

~ આમ પણ ‘પરિવર્તન એ સંસારનો નિયમ છે’ એવું આપડે ત્યાં કહેવાય છે. (જ્યારે કંઇ બદલવું હોય તો તેને યોગ્ય ઠરાવવા આ સૌથી ઉત્તમ બહાનું છે!)

~ તો બદલાવ એ છે કે ‘બગીચાનો માળી’ હવેથી ‘બગીચાનંદ’ તરીકે ઓળખાશે. (માત્ર નામ બદલયું છે, વિચારો અને વ્યક્તિ એ જ રહેશે યાર)

~ જેનો ઉપયોગ ચાલું છે તેવી લગભગ મુખ્ય ઇ-પ્રોફાઇલ બગીચાનંદ તરીકે અપડેટ કરી દીધી છે પણ હું એટલે બધે રખડ્યો છું કે બધી જગ્યાએ અપડેટ કરવામાં વાર લાગશે. (પ્રયત્ન હંમેશા ચાલું રહેશે, ધીરે ધીરે બધે અપડેટ થઇ જશે બકા..)

~ આજના મુખ્ય સમાચાર સમાપ્ત થયા.

~ બગીચાનંદના નમસ્તે. અસ્તુ.

બગીચાનો માળી હવે છે બગીચાનંદ. નામમાં ફેરફાર

#સાઇડટ્રેકઃ બદલવાના ચક્કરમાં સૌથી વધારે ટાઇમ પ્રોફાઇલ ઇમેજ બનાવવામાં બગાડ્યો છે. અલગ-અલગ ઇમેજ ઘણી શોધી, એડીટ કરી અને નવી બનાવવાના પ્રયત્નો પણ ઘણાં કર્યા. લગભગ 10 – 12 વિકલ્પ બનાવ્યા પછી પણ જુની ઓળખનો મોહ ન છુટયો.
ફાઇનલી તેમાંજ ફેરફાર કરીને નવી ઇમેજ બનાવી છે તો કોઇ જોઇને કહેજો કે ફોટો સરસ લાગે છે. હમેં અચ્છા લગેગા. (મહેનત કરી છે અને તેની પાછળ સમય બગાડ્યો છે યાર)

આજ ખુશ તો બહુત હોંગે વો..

… જે મને રીડરમાં ફુલ ફીડ દેખાય તેવું સેટીંગ કરવા માટે કહેતા’તા. હવે આપ આખી પોસ્ટને રીડરમાં જોઇ રહ્યા છો તેની ખાસ નોંધ લેશો. (અમારો અંગત અનુભવ કહે છે કે રીડરના કારણે લખાણપટ્ટી કે તેના સેટીંગમાં ક્યારેક ફેરફાર જણાઇ શકે છે. ખાતરી કરવા ક્યારેક મુળ ઠેકાણે પણ આવતા રહેજો હોં ને..)

~ સાથે-સાથે આજે મારા બગીચાનો મુખ્ય દેખાવ (થીમ) પણ ચેન્જ કરવામાં આવેલ છે! (જો દેખાવના આ વિષયમાં ખરેખર રસ હોય તો જ ધક્કો ખાજો. નહી તો નેક્સ્ટ પોસ્ટ વખતે મળીશું.)

~ ઓકે.. થીમ દેખવા આવો કે ન આવો એ તમારી મરજી પણ મારા બગીચાનો જે લોગો મેં જાતે બનાવ્યો છે તે તો તમારે જોઇ જ લેવો જોઇએ એવું હું માનું છું. (ઇતની મેહનત કી હૈ તો થોડા શૉ-ઓફ તો બનતા હૈ ના ભાઇલોગ..)

~ આ લોગો (મુખ્ય ચિહ્ન) ને કોઇ જગ્યાએથી કોપી કરવામાં આવેલ નથી, આશા છે કે અન્ય કોઇ અહીયાંથી કોપી નહી કરે. (લે! આમાં કોપી કરવા જેવું શું છે? – આવો સવાલ આપને થાય.. તો તે સવાલ પુછવા માટે તમે મારો સંપર્ક કરી શકો છો.)

~ અરે હા, ગુજરાતીમાં વર્ડપ્રેસનો ઉપયોગ કરવાની મજા આવે છે. થેન્ક્યુ વર્ડપ્રેસ. (ક્યાંક હજુ ભાષાંતરમાં લોચા જણાય છે; છતાંયે જેટલું થયું છે તે ખુબ સરાહનીય છે.)

~ બગીચામાં આટલો બદલાવ કર્યો છે તો હવે કંઇક લખીશ એવું મને લાગે છે. થોડા દિવસોમાં નવી વાતો ઉમેરવાની આશા સહ.. આવજો..

~ ખુશ રહો!

I’m moving !

 – મારા બગીચામાં ફરી એકવાર અંગ્રેજી ટાઇટલનો સહારો લેવામાં આવી રહ્યો છે! (કારણ: “હું આગળ વધી રહ્યો છું!” -એવું લખવા કરતાં આ અંગ્રેજી-ટાઇટલ વધારે ઇફેક્ટીવ લાગે ને એટલે!)

– ચાલું વર્ષનો અંત નિકટ છે અને નવા વર્ષના વધામણાં થવામાં હવે બે દિવસ જ બાકી રહ્યા છે. અત્યારે આપણો દેશ પણ મોટા-મોટા પરિવર્તન જોઇ રહ્યો છે અને આવનારા સમયમાં વધુ પરિવર્તન માટે તૈયાર થઇ રહ્યો છે ત્યારે આ નવા વર્ષની સાથે-સાથે ‘મારો બગીચો’ પણ એક મોટા બદલાવ માટે તૈયાર છે! (જોયું!! મેં મારી નાનકડા બદલાવની વાત ને કયાંથી કયાં જોડી દીધી!!)

– શ્રી વર્ડપ્રેસદેવના ઉપકારથી ખીલેલા આ બગીચાને હવે અન્ય ઠેકાણે ફેરવવાનો સમય આવી ગયો છે. હું વર્ડપ્રેસનો હંમેશા આભારી રહીશ, કેમ કે તેમના થકી જ તો હું અને મારો બગીચો આજે અહી છીએ.

– એક વર્ષ પહેલાં અમે થોડું આગળ વધ્યા’તા, હવે વધુ આગળ વધવાનો સમય આવી ગયો છે ! પહેલાં સરનામું બદલવામાં આવ્યું’તું પણ સેવા વર્ડપ્રેસની જ રાખવામાં આવી હતી જ્યારે હવે મુળ સરનામું એ જ રહેશે પણ મારા બગીચાની જગ્યા બદલવાનું નક્કી કરી લીધું છે. જો કે વર્ડપ્રેસનો પીછો એમ કંઇ છુટવાનો નથી કેમ કે હવે વર્ડપ્રેસ.ORG નો સાથ લેવામાં આવશે. (એટલે કે મારો બગીચો હવે સેલ્ફ હોસ્ટેડ સર્વર પર ટ્રાન્સફર કરવામાં આવી રહ્યો છે.)

– કોઇ ટેકનીકલ જ્ઞાન/અનુભવ ન હોવાથી માત્ર ઓનલાઇન હેલ્પ/જાણકારીના આધારે આ રિસ્ક લેવામાં આવી રહ્યું છે એટલે મને આ ટ્રાન્સફર દરમ્યાન કોઇ મુશ્કેલી પણ આવી શકે છે અથવા તો બ્લૉગ થોડા સમય માટે બંધ પણ રહી શકે છે. (જે થાય તે, કમસેકમ એ બહાને કંઇક નવું શીખવા મળશે એમ માની લઇએ.)

# માત્ર જાણકારી માટે : થોડા સમય માટે અહી નવું કંઇ નહી મળી શકે અને domain server બદલવાના કારણે મારું ઇમેલ એડ્રેસ થોડા સમય માટે બંધ રહી શકે છે. જો કોઇ આ સમય દરમ્યાન મારો સંપર્ક કરવા ઇચ્છે તો marobagicho@gmail.com પર ઇમેલ કરી શકે છે. આ ઉપરાંત મુળ એડ્રેસ ટ્રાન્સફર ન થાય ત્યાં સુધી દરેક પોસ્ટ જુના એડ્રેસ (એટલે કે marobagicho.wordpress.com) પર લીંક થયેલી દેખાશે.

– આભાર.