બોલો ક્રિકેટ-ધર્મની જય !!!!

ભારતમાં તો કેટલાય ધર્મના લોકો છે અને દરેક ધર્મના ઢગલાબંધ સંપ્રદાયો-વાડાઓ છે. દરેકનો હેતુ જુદો, દરેકનો ભગવાન જુદો, દરેકના રિવાજો જુદા. આપણે હજારો પ્રયાસ કરીયે તોય બધાને એક ન કરી શકીએ. જો કે આ વિશે ઘણુ લખાયુ અને કહેવાયું છે એટલે વધારે કહેવાથી કોઇ ફેર પણ નથી પડવાનો !!!! પણ આજે વાત ભારતના ક્રિકેટ-ધર્મની કરવી છે.

આજે ભારત-પાકિસ્તાન સેમી-ફાઇનલ મેચ છે. અપેક્ષા મુજબ આપણા મીડીયાવાળા અને ક્રિકેટ-ઘેલા લોકોએ આ મેચને બે દેશ વચ્ચેના યુધ્ધનુ રુપ આપી દીધુ છે. કોઇ એક રમત પ્રત્યે આટલો બધો લગાવ અતિરેક કહી શકાય પણ આ અતિરેકમાં આજે એક અખંડ ભારતના દર્શન જોવા મળી રહ્યા છે. જો ભારતના લોકો માત્ર ક્રિકેટ માટે એક થઇ શકતા હોય તો બીજા બધા ધર્મ-નાત-જાતની કોઇ જરુર નથી.. એક ક્રિકેટ-ધર્મ પુરતો છે. અને આપણી પાસે તો “સચીન” નામના રેડીમેડ ભગવાન પણ છે !!! અને જેને નાના-નાના વાડાઓ કે સંપ્રદાય બનાવવા હોય તેમની પાસે સેહવાગ, ધોની, રૈના, યુવરાજ, હરભજન વગેરે જેવા બીજા વૈકલ્પિક ભગવાન પણ હાજર છે.

એક વાત વિચારવા જેવી છે કે જો આપણે બધા ક્રિકેટ ધર્મ પાળતા હોઇએ તો કેવું થાય !!! હા, એક વાત ખરી કે દેશના હજારો સાંપ્રદાયિક-ધાર્મિક-જાતિય રાજકારણ રમતા નેતાઓ ભુખે મરે !!! પણ… જો મારો-તમારો-બધાનો ધર્મ એક થાય તો દેશના ૯૫% વિવાદ ખતમ થઇ જાય, રાજકારણ ૭૦% ચોખ્ખુ થઇ જાય(૩૦% કૌભાંડ તો રહેવાના જ !!!), મારો દેશ વિકાસની રેસમાં સૌથી આગળ નીકળી જાય અને બની શકે કે ૧૦-૧૫ વર્ષમાં અમેરીકા પણ આપણને પુછીને આગળ વધતુ હોય !!!

આ બધી એક કલ્પના માત્ર છે.. છતાં પણ ક્રિકેટ એક ધર્મ બની જાય તો !!!!??? વિચારી જુઓ… તમને પણ નવી-નવી વાતો સુઝશે.. આમ પણ તમે બધા મારા કરતાં તો ઘણાં હોશિયાર છો !!!!

બોલો… ક્રિકેટ-ધર્મની જય !!!!!

સુરક્ષિત: મને ઓળખી લો

આ સામગ્રી પાસવર્ડ સુરક્ષિત છે. તે જોવા માટે નીચે તમારો પાસવર્ડ દાખલ કરો:

થોડીક સારી સલાહ… મારા, તમારા અને બધા માટે

કોઇ મિત્ર દ્વારા મને ઇમેઇલથી મોકલવામાં આવેલી આ સુંદર સલાહ આપણા જીવનમાં જરુર ઉતારવી જોઇએ. કોઇ સલાહ આપે એ કોઇને ન ગમે પણ એક વાર વાંચશો તો આપને જરુર ગમશે તેની મને ખાતરી છે.

[1] સારાં સારાં પુસ્તકો વસાવતો રહેજે ભલે પછી એ કદી નહિ વંચાય તેમ લાગે.

[2] કોઈને પણ વિશે આશા સમૂળગી ત્યજી દેતો નહિ. ચમત્કારો દરરોજ બનતા હોય છે.

[3] દરેક બાબતમાં ઉત્તમતાનો આગ્રહ રાખજે અને તેની કિંમત ચૂકવવા તૈયાર રહેજે.

[4] તંદુરસ્તી એની મેળે જળવાઈ રહેવાની છે, એમ માનતો નહીં.

[5] તારી નજર સામે સતત કશુંક સુંદર રાખજે – ભલે પછી તે એક પ્યાલામાં મૂકેલું ફૂલ જ હોય.

[6] આપણાથી જરીક જેટલું જ થઈ શકે તેમ છે એવું લાગે, માટે કશું જ ન કરવું એમ નહિ… જે થોડુંક પણ તારાથી થઈ શકે તે કરજે જ.

[7] સંપૂર્ણતા માટે નહિ પણ શ્રેષ્ઠતા માટે મથજે.

[8] જે તુચ્છ છે તેને પારખી લેતાં શીખજે, ને પછી તેની અવગણના કરજે.

[9] ઘસાઈ જજે, કટાઈ ના જતો. પોતાની જાતને સતત સુધારતા રહેવાની પ્રતિજ્ઞા લેજે.

[10] હારમાં ખેલદિલી બતાવજે. જીતમાં ખેલદિલી બતાવજે. પ્રશંસા જાહેરમાં કરજે, ટીકા ખાનગીમાં.

[11] લોકોમાં જે સારપ રહેલી હોય તે ખોળી કાઢજે.

[12] તારા કુટુંબને તું કેટલું ચાહે છે તે દરરોજ તારા શબ્દો વડે, સ્પર્શ વડે, તારી વિચારશીલતા વડે બતાવતો રહેજે.

[13] ક્યારે મૂંગા રહેવું તેનો ખ્યાલ રાખજે. ક્યારે મૂંગા ન રહી શકાય એનો પણ.

આપનો આભારી,

હું… “બગીચાનો માળી”