એપ્રિલ 20, 2017 બગીચાનો માળી 3Comment

..બેટી હુઇ હૈ !

(કુદરત તરફથી મળેલ બીજી અનમોલ ભેંટ)

એપ્રિલ 14, 2017 બગીચાનો માળી

… જે મને રીડરમાં ફુલ ફીડ દેખાય તેવું સેટીંગ કરવા માટે કહેતા’તા. હવે આપ આખી પોસ્ટને રીડરમાં જોઇ રહ્યા છો તેની ખાસ નોંધ લેશો. (અમારો અંગત અનુભવ કહે છે કે રીડરના કારણે લખાણપટ્ટી કે તેના સેટીંગમાં ક્યારેક ફેરફાર જણાઇ શકે છે. ખાતરી કરવા ક્યારેક મુળ ઠેકાણે પણ આવતા રહેજો હોં ને..)

~ સાથે-સાથે આજે મારા બગીચાનો મુખ્ય દેખાવ (થીમ) પણ ચેન્જ કરવામાં આવેલ છે! (જો દેખાવના આ વિષયમાં ખરેખર રસ હોય તો જ ધક્કો ખાજો. નહી તો નેક્સ્ટ પોસ્ટ વખતે મળીશું.)

~ ઓકે.. થીમ દેખવા આવો કે ન આવો એ તમારી મરજી પણ મારા બગીચાનો જે લોગો મેં જાતે બનાવ્યો છે તે તો તમારે જોઇ જ લેવો જોઇએ એવું હું માનું છું. (ઇતની મેહનત કી હૈ તો થોડા શૉ-ઓફ તો બનતા હૈ ના ભાઇલોગ..)

~ આ લોગો (મુખ્ય ચિહ્ન) ને કોઇ જગ્યાએથી કોપી કરવામાં આવેલ નથી, આશા છે કે અન્ય કોઇ અહીયાંથી કોપી નહી કરે. (લે! આમાં કોપી કરવા જેવું શું છે? – આવો સવાલ આપને થાય.. તો તે સવાલ પુછવા માટે તમે મારો સંપર્ક કરી શકો છો.)

~ અરે હા, ગુજરાતીમાં વર્ડપ્રેસનો ઉપયોગ કરવાની મજા આવે છે. થેન્ક્યુ વર્ડપ્રેસ. (ક્યાંક હજુ ભાષાંતરમાં લોચા જણાય છે; છતાંયે જેટલું થયું છે તે ખુબ સરાહનીય છે.)

~ બગીચામાં આટલો બદલાવ કર્યો છે તો હવે કંઇક લખીશ એવું મને લાગે છે. થોડા દિવસોમાં નવી વાતો ઉમેરવાની આશા સહ.. આવજો..

~ ખુશ રહો!

માર્ચ 25, 2017 બગીચાનો માળી 2Comment

હવે દિવસે પણ ટુ-વ્હિલર્સમાં લાઇટ ઑન રહેશે!

~ મને તો આ નિયમ પાછળ જે લોજીક આપવામાં આવે છે તે જરાયે પચતું નથી. (હા ભાઇ, હાજમોલા પણ કામ ન આવી.)

~ ઓકે.. યુરોપમાં આવા નિયમ વર્ષો પહેલાથી બનેલા છે પણ અહી જે કારણ આપવામાં આવે છે તે મને તો ગળે નથી ઉતરતું. જ્યાં વર્ષ દરમ્યાન ધુમ્મસ, વરસાદી કે વાદળછાયું વાતાવરણ વધારે રહેતું હોય ત્યાં આવા નિયમો સમજાય પણ ભારત જેવો દેશ જે મુખ્યત્વે વિષુવવૃત્ત પર છે તેની માટે સમગ્ર દેશમાં પશ્ચિમના ઠંડા દેશોના નિયમોની સમજ્યા વગર કોપી ન કરવી જોઇએ. (કદાચ કાશ્મીર કે હિમાચલના કોઇ ભાગમાં આ નિયમ અમલમાં મુકી શકાય.)

~ ફોર-વ્હીલર્સના પ્રમાણમાં ટુ-વ્હીલર્સના અકસ્માત વધારે થાય છે કારણકે તેની સંખ્યા પ્રમાણમાં ઘણી વધારે છે. પણ તે બધા અકસ્માત થવાના અનેક કારણોમાંથી અજવાળામાં પણ ન દેખાવું  તેવું કેટલા કિસ્સામાં બનતું હશે? (ચલો વિચારી જુઓ થોડી વાર…)

~ સાંભળ્યું છે કે સુપ્રિમ કોર્ટની દેખરેખમાં કાર્ય કરતી કોઇ સમિતિએ આ સુચન કર્યું હતું અને સરકારે તેને સ્વીકારીને તરત અમલમાં મુકવા નોટીફિકેશન પણ આપી દીધું. આ નિયમ ફોર વ્હીલર્સ માટે પણ આવી શકે છે. અંધેર નગરી અને…..


# સાઇડટ્રેક: કોઇને વિષુવવૃત્ત એટલે શું -એ ન સમજાતું હોય તો કોઇ ગુજરાતી પ્રવાહના વિજ્ઞાનના શિક્ષકને પર્સનલી મળી લેવું. ના, ગુજરાતી વીકીપીડિયામાં તેનું પાનું ઉપલબ્ધ નથી. (શ્રીમાન કાર્તિકભાઇ નોંધ લે.)

# મથાળુંચિત્રઃ શ્રી google.co.in ના સહયોગથી શ્રી thekriegers.in ના ઠેકાણેથી વગર રજાએ મેળવેલ.