ટેકનીકલ વિચારો

થોડા દિવસ પહેલા હોસ્ટીંગ-ડોમેઇન રીન્યુ કરવામાં આવ્યા, તો લાંબા સમય પછી આ બગીચાની ઇ-જગ્યા પર ધ્યાન ગયું અને થયું કે લાંબા સમયથી તેમાં કંઇ નવા-જુની નથી થઇ. (હા, અમને એવું પણ થાય.)

દેખાવ-થીમ તો સેટ જણાય છે, પણ બગીચાના બેકગ્રાઉન્ડમાં ઘણીવાર લીલા બગીચાનું વાતાવરણ ઉભું કરવાની ઇચ્છા થાય છે. (ક્યારેક મસ્ત હરિયાળો બગીચો હતો ત્યાં, પણ હું એમ એક દેખાવમાં અટકું તો ને…)

આમ તો તેવું કરવા જતાં અત્યારની સાદાઇ-સરળતા ખોવી પડે અને સૌથી વધું સમસ્યા બેકગ્રાઉન્ડને લીધે શબ્દોને વાંચવામાં થતી અગવડનો જણાય છે; એટલે ઇચ્છા હોવા છતાયે બેકગ્રાઉન્ડ બદલવાનુ મોકુફ રાખવું પડે છે. (બીજા ભલે ન વાંચે પણ હું પોતે ક્યારેક અહીયા આવીને એમ જ રેન્ડમ-પોસ્ટ જોતો હોઉ છું. મને એવું ગમે છે.)

ખબર છે કે મારા સિવાય કોઇ જોવાના નથી છતાંયે મન મનાવવા બગીચાના દરેક ઇ-પેજના અંતમાં ગોઠવાય એમ હરિયાળી મુકી દિધી છે; હવે મને સારું ફીલ થાય છે! #ફીલગુડ.

જે લોકો વાંચે છે તે એમપણ રીડરમાં જ જોતા હશે એવું મને લાગે છે, તો તેમના માટે આ સુધારાઓમાં કંઇજ નવું નહી હોય. હા, ક્યારેક મારા બગીચાની દરેક નવી પોસ્ટના સ્વયંસંચલિત ઇમેલ અટકાવવાનો નિર્ણય લીધો હતો તેમ રીડરમાં જતી પોસ્ટ-ફીડને પણ અટકાવવાની ઇચ્છા થાય છે. ખબર નહી કેમ પણ એમ લાગે છે કે આ બગીચો ભલે જાહેર-જનતા માટે ખુલ્લો રહે અને કોઇપણ આવે-જાય, પ્રતિભાવ આપે… પરંતુ અહીયાં એ જ આવે જે ખરેખર અહીયાં જ આવવા ઇચ્છતા હોય. મારા લખાયેલા બધા શબ્દો અન્ય કોઇપણ માધ્યમ દ્વારા તેમની પાસે પહોંચીને નાહક કનડગત ન કરે.

હા, જે ચાર-લોકો આ ઠેકાણે નિયમિત આવે છે તે લોકોને પર્સનલી ઇમેલ કરી દઇશ જેથી તેમની ભાવનાઓ સાથે અન્યાય ન થાય. એમ તો વિચારું છું કે બગીચાના જે-જે સોસીયલ પેજ કે એકાઉન્ટ છે તેમાં સમયસર નવી પોસ્ટની ટુંકી જાણ થતી ચાલું રહેવા દઉ; જેને ઇચ્છા હોય એ જ ક્લીક કરીને અહીયાં સુધી આવે. (હા, એ પણ સ્વ્યંસંચાલિત હોય ત્યાં જ; હું અપડેટ કરવા માટે ધક્કો ખાવા નહી જઉ. #બસ_બોલ_દીયા)

એક મોટા સુધારા તરીકે એમ પણ ઇચ્છા થાય છે કે બગીચા સાથે જેટપેકના સંબંધનો અંત કરું. તે જાળવી રાખવાનું મુખ્ય કારણ વર્ડપ્રેસ બ્લોગર્સના લાઇક્સ અને મુલાકાતીઓના રીડીંગ-સ્ટેટ્સ તથા ઇનસાઇટ્સ મેળવતા રહેવાનું હતું. પણ હવે તે માટે ખાસ ઉત્સાહ જણાતો નથી એટલે તે ન રહે તો તેનો વાંધો નથી પણ તેના ન હોવાથી વેબસાઇટ ઘણી જ ફટાફટ ખુલે છે અને મને તેમાં વધુ રસ છે. (આ મુદ્દો સેલ્ફ હોસ્ટેડ બ્લોગ ચલાવતા બ્લોગર્સ જ સમજી શકશે.)

ખૈર, છે તો બધા વિચારો અને ઇચ્છાઓ જ…  છેવટે જે ઠીક લાગશે તે કરીશ.

આઇસપાઇસ

~ કાર્તિકભાઇએ તેમની ગોળ ગોળ ધાણીનું અસલી રૂપ બતાવ્યું, તો અમને પણ બાળપણની રમતનું અમારું એવું એક અજ્ઞાન યાદ આવી ગયું! (ક્યાંક ને ક્યાંક તો આપણે સૌ અજ્ઞાની રહેવાના જ.)

~ હા તો વાત ઉપર ટાઇટલમાં લખી એ વિશે જ છે. અમે ત્યારે જેને આઇસપાઇસ કહેતા, તેને હકીકતમાં I-SPY (ગુજરાતીમેં બોલે તો, આઇ-સ્પાય) કહેવાય; એવું અમે છે…ક 30 વર્ષે જાણ્યું હતું!

~ પછી?.. પછી તો ખોબો ભરીને અમે એટલું તે હસ્યા, કે કુવો ભરીને રોઇ પડ્યા…


*અહી બગીચામાં બેસીને ભલે મોટી-મોટી વાતો કરીએ, પણ જો આજે આ ન કહ્યું હોત તો કોઇને ખબર ન પડી હોત કે, અમે બચપનમાં કેવા મુર્ખ હતા! 😀 (વૈસે મૈ મુર્ખ નહી થા; થોડા સા નાદાન થા, જજસાબ..)


નાયરા-સ્પેશીયલ શબ્દોનું લિસ્ટ

~ આગળની વાત લખતી વખતે નક્કી કર્યું હતું કે એ જ મહિનામાં આ સ્પેશીયલ શબ્દો નોંધવામાં આવશે.

~ પણ રમેશભાઇની મરજી આગળ કોઇનું ન ચાલે દોસ્ત. હવે આજે છેક સમય મળ્યો છે તો ફરિયાદ કરવા કરતા બાકી વાત પુરી કરવા આગળ વધીએ..

~ અત્યારે લખવામાં જેટલું યાદ આવશે તે ઉમેર્યું છે, બીજા શબ્દો યાદ આવશે એમ અને નાયરા કહેશે એમ સમયે-સમયે ઉમેરતો રહીશ.1 🙂

# તો હાજર છે; સ્પેશીયલ શબ્દો..

કાકો = વાટકો

પિકારી = પિચકારી

કાંકણું = ઢાકણું

ધાડી = ગાડી

પપેલી = તપેલી

કોલો = ખોલો

કકલ = ચક્કર

ફુન = ફોન/મોબાઇલ

લુલ = ફુલ

કાનન = ગાર્ડન

લજ = વ્રજ

દજાજો = દરવાજો

તોતી = ચોટી

કુકડા = ટુકડાં


ખાકલા = ખાખરા

રોકલી/રોકી = રોટલી

પમે = તમે

ધમી = ગરમી

કીકા = હિંચકા


પિકાપિક્સ = પેપા પીગ (કાર્ટૂન)

કલલ = કલર

bottom image of blog text - નાયરાના સ્પેશીયલ શબ્દો