સુકાયેલી નદીના ક્યાંકથી પગરણ મળી આવે

સુકાયેલી નદીના ક્યાંકથી પગરણ મળી આવે

સુકાયેલી નદીના ક્યાંકથી પગરણ મળી આવે,
વિખૂટું થઈ ગયેલું એ રીતે એક જણ મળી આવે..

ઘણા વરસો પછી, વાંચ્યા વગરની કોઈ ચિઠ્ઠીમાં..
‘તને ચાહું છું હું’ બસ આટલી ટાંચણ મળી આવે..

ફરે છે એક માણસ ગોધૂલી વેળા આ સડકો પર,
કદાચિત ગામનું છૂટું પડેલું ધણ મળી આવે..

ઘણુંયે નામ જેનું સાંભળેલું, ને હતી ખ્યાતિ,
મળો એ શખ્સને.. ને સાવ સાધારણ મળી આવે..

ખખડધજ, કાટ લાગેલી, જૂની બિસમાર પેટીમાં,
ખજાનો શોધવા બેસો અને બચપણ મળી આવે..

હિતેન આનંદપરા

4 thoughts on “સુકાયેલી નદીના ક્યાંકથી પગરણ મળી આવે

બોલો, શું કહેવું છે તમારે...